SIJI MAI ADOK ANAK MENGIAN SIKAM KHUMPOK SAI GEKHALNI ....

ornamen Lampung

AMAI NI AMAI KHADIN ADOKNI KHADIN PAHLAWAN

ANGGA YOLANDA ANJAK BATANGAN TUJU DI TUAN BANDAR SAH. PN NATA KHAJA, BATIN SETIAWAN. ST. PEMIMPIN SIKAN SANGA MUAKHI BEKHAK

2.   SENANG KHIK BAHAGIA KUTI KAK TEMU JUDU SEMOGA BAHAGIA DUA SIKAM DINIKU 4.   KHAM HULUN SANAK TUHA KAK KHADU SAMA TAU DI UNYIN KUTI KHUWA KANJANG TULUNG DU’A RESTU 6.   SEGALANI KHECAKA HAKHUS MAKAI JANGJULU TEHAGUK DI METUHA KIPAK PELAKAWAN MU 8.   SEMBAHYANG WAKTU LIMA TIGUWAI NOMOR SATU DITUTUKIBU DU’A MAKHI KHAM MAK KELIKHU

 

1.   KHADIN PAHLAWAN HAKUNA

PUNGANGU SIKAM DI NIKU

TEKHANG DUNGGA DI LIBA

LAJU DI PAKHA TAMU

3.   MAK NGEDOK PISAH BIDA

GEGOH HANGGOP HATIKU

KAK TIGOH CITA-CITA

BASING KI MANA MUNU

5.   KHAM KHAMIK GEGOH KUTA

HAKHUS DAPOK BERSATU

AKIK LIHAI KELAPA

DAPOK JADI PENYAPU

7.   SA SUMANG PAI CEKHITA

CAWA KIYAI TONI MU

DANG LUPA NGEPUN NGIYA

DANG PAKI SAI NYA NIKU

9.   BUHASA ANTAK IJA

PENGAKHANG BELA BUKU

KISUSUN SALAH CAKHA

MAHAP DI BIDANG SUKU

SIJI JEJULUK ANAK BAI SEKEKHUMPOK SAI GEKHALNI META LISTIA

ANJAK BATANGAN TUJU DI TUAN BANDAR SAH. PN NATA KHAJA,

BATIN SETIAWAN. ST. PEMIMPIN SIKAN SANGA MUAKHI BEKHAK

2.   KHADU UNYIN SEKSAMA KHAM HULUN KAK SETUJU MAWAT NGEDOK SAI NYAPA DANG NIKU KHAGU-KHAGU 4.    DANG KUKHANG NGALELEMA TEHAGU KABAN BAHU PETUNGGU PISAN KALA GELUK KEJUNGKO PUNGU 6.    BUDI JAMA BAHASA KHAM GUWAI NOMOR SATU WALAU KANAN MAK MENA SEBAB SIJI PEKHELU 8.    AYAH KAK MULANG MENA MAK TENGAN DI KHASAN MU KHISOK KIKHIMI DU’A NAJIN KIPAK KELUHU 10. KHENA PAI JUGA DIA TAWAI SIKAM DI NIKU LEBIH KUKHANG NI CAWA AKUK IPA PEKHELU

JEJULUK KHADIN CAHAYA

1.    

     KHADIN CAHAYA

SIJI ANGGU ULAH MU

PUSAKA ANJAK PINA

SANGON KAK BAGIANMU

3.    MULAI ANJAK KHANI SA

PEGUNG KUKUH ULAH MU

CAKHA BUKHUMAH TANGGA

NIKU KAK DIPUKHADU

5.    TEHAGU DI METUHA

JAMA KABAN ADIKMU

KHAM HAKHUS WEWAH MUKA

DANG AGA CUNGAK DAGU

7.    GANTA SUMANG CEKHITA

CAWA KANJANG SUNTAN PEMIMIPIN MU

DELOM BEKHUMAH TANGGA

LAMON NIHAN LULIKU

9.    ANA TINGGAL IBUNDA

SAI TENGAN DI KHASAN MU

KHUANG PAI PINSAN KALA

SEJAKH PENGOBAT RINDU

1       WASALAM ANTAK IJA

MAHAP DI BIDANG SUKU

KANTU WAT SALAH BACA

MAHAP BUKHIBU-KHIBU

SIJI AMAI ADOK ANJAK KELAMA NI TUJU DI

KIYAY SANG KHATU, KAHTU KESUMA, KHATU SANGON, PN. NITI ZAMAN,

PN. TUAN, ST. ULANGAN., TN. TEKHANG DILAMPUNG SAI BUKUHNI

SAI WAT LOM TIYUH CAMPANG TIGA

1.    PENGIKHAN ANDALAN

PENYACAK JAK KELAMA

TEKHANG DI BENIYUHAN

DUNGGA KIPAK DILIBA

AJIDIA WAKHISAN

DIPAKAI JAMA-JAMA

PEKHEDA KEBAGIAN

SANAK KIPAK SAI TUHA

3.    MAWAT NGEDOK ANTANAN

SAYANG KABAN KELAMA

MULA MAWAT KENAHAN

TUHAN SAI PANDAI DIA

5.    KI NGITUNG MIKHAK NIHAN

NGENAH HULUN SAI KAYA

MANJAU NGEBATOK SAN-SAN

DI IKHING KO JEPANA

7.    SIJI CUMA HAYALAN

AJI KAK TERLAKSANA

MESOL MANUK DITANGAN

GEGOH CAKAK SURGA

9.    DUNIA JAWOH NIHAN

LAIN KUKHANG DIHAGA

DANG PAI PUTUS HAKHOPANG

NAJIN MAK MASA GANTA

11. ANA ATU KHIK PUAN

DANG PAI DIGUWAI LUPA\

NAJIN MAK BUAH TANGAN

TI KHUANG PINSAN KALA

13. MAHAP DI BENIYUHAN

SANAK KIPAK SAI TUHA

KANTU SALAH UMUNGAN

MAHAP KHIK NGALIMPUKHA

4.    AJI SIKAM NIMBULAN

SEJAKH NGELIMUN MATA

NUWALAI SANGGA KABAN

SANAK KIPAK SAI TUHA 

6.   NGEDOK HANAKAN KANAN

WAT MUNIH DAU BELANJA

 LAPAH NGEDOK TUTUKAN

CAKAK BUKHUNG GARUDA

8.   CAWA LATI MU TIAN

KAH DAPOK NGEJUK DU’A

TIAN DIKHANTAUWAN

BULAN KAK IDOKH TUHA

LAGI LAMON KHIKINAN

EVAN SOPI SAHARA

KEKALAU BAGI TIAN

BULAN KAK IDOKH MUDA

ANTAK IJA PAI SARAN

TAWAI SIKAM KELAMA

KEKALAU WAT IMBALAN

SEKHETA NGEDOK GUN